Төрөппүттэргэ
Күндү төрөппүттэр!
Эһиги бүтүн дьиэ кэргэҥҥэ анаммыт кинигэни илиигитигэр тутан олороҕут! Бу Ытык Суруйуулартан ылыллыбыт кэпсээннэр — Таҥара Тылын уонна оччотооҕу кэми, буолбут түбэлтэлэри кытта билсэргэ олус табыгастаахтар.
Билэргит курдук, оҕо тулалыыр эйгэни эрэ буолбакка, духуобунай ис дьиҥи дэбигистик, аһаҕастык ылынар. Төрөппүттэр оҕолоргут аттыгытыгар баар кэмнэригэр Библияттан ылыллыбыт кэпсээннэри бииргэ ааҕар түгэни мүччү тутумаҥ. Оччоҕуна инники олохторугар хайаатар да үтүөнэн дьайар Библияны кытта билсэллэригэр оҕолоргутугар баҕа санааны саҕыаххыт.
Библияны тиһигин быспакка ааҕыы уонна күннэтэ Таҥараҕа үҥэн көрдөһүү оҕо иитиитигэр улахан суолталаах. Төрөппүттэр, итиннэ кытаатан бириэмэтэ булуҥ! Оҕолоргутун истиҥ тапталга иитиҥ, духуобунай өйү-санааны оҕо эрдэхтэриттэн иҥэриҥ.
Таҥара эһиги дьиэ кэргэҥҥитигэр билигин эрэ буолбакка, инникитин эмиэ көмөлөһө туруоҕа диэн биһиги эрэнэбит.
Эһиги оҕолоргут Ытык Суруйуулары нөҥүө олохторун бүтүннүү тупсарар Дьиҥ Кырдьыгы кыра эрдэхтэриттэн билэллэригэр баҕарабыт!
Эһиги тускутугар үҥэн туран тапталы баҕарабыт
Библейскэй миссия үлэһиттэрэ.